22/08/2014 18:45:55

Vendimi i qeverisë për irakun

Qeveria në një komunikatë bën të ditur se zyrtarisht do të dergojë armë për qeverinë e irakut për te luftuar ekstremizmin që po merr përmasa të frikshme atje

TIRANE - Qeveria e Shqipërisë do të mbështesë qeverinë e irakut me armë të lehta dhe municione në luftën kundër terroristëve të të ashtuquajturit Shtet Islamik i Irakut dhe Levantit (ISIL). "Si një vend anëtar i NATO-s, Shqipëria ka dhënë që prej orës së parë kontributin e vet në luftën kundër terrorizmit dhe ka qenë e do të jetë pjesë e koalicioneve ndërkombëtare", shkruan në një komunikatë për shtyp zëdhënesja Armela Ymeraj. "Praktikat barbare të ISIL dhe situata humanitare katastrofike në Irak na vënë të gjithëve para përgjegjësisë morale për të bërë ç’është e mundur kundër errësirës që përpiqen të sjellin mbi njerëzimin forcat e verbra të terrorizmit". Vendimi është i mbështetur në praktikat ndërkombëtare.

HermesNews - ©2014

Dërgo me email | Stampo artikullin