22/08/2014 18:03:16

Të shtëna të tjera gjatë operacionit të policisë në veri

Dje janë asgjësuar rreth 34 mijë rrënjë kanabis sativa. Janë 150 zona të zbuluara deri tani, ku po punohet për asgjësimin e drogës

SHKODËR - Dhe 7,000 rrënjë të tjera kanabis sativa janë asgjësuar sot gjatë një operacioni në veri të vendit, pas atij të ditës së djeshme në (Shllak, Shosh, Pult dhe Temal). Përveç rrënjëve janë asgjësuar dhe rreth 15 kg bimë narkotike boçe kanabis. Policia e Shtetit ka angazhuar në terren rreth 160 forca policore Renea dhe ekspertë të tjere. Tre helikopterë monitorojnë terrenin nga lart, prej tyre dy janë vënë në dispozicion nga Ministria e Mbrojtjes. Operacioni do të vazhdojë deri në asgjësimin e sipërfaqeve të kultivuara, shkruan në një komunikatë Policia e Shtetit. Gjatë ditës së djeshme dhe sot, në këto zona ka patur të shtëna në ajër kundër helikopterëve të policisë, por nuk ka patur të lenduar. Dje janë asgjësuar rreth 34 mijë rrënjë kanabis sativa. Janë 150 zona të zbuluara deri tani, ku po punohet për asgjësimin e drogës. Operacionet do të zgjasin katër ditë.

HermesNews - ©2014

Dërgo me email | Stampo artikullin