20/08/2014 17:07:26

Aksidenti në minierë. Ekspertët nuk pati kushte

I hiqet leja kompanise Alba - Co pas aksidentit ku humbën jetën dy minatorë

TIRANË - Ministria e Energjisë dhe Industrisë revokoi lejen minerare të Alba-Co. Vendimi u mor pas aksidentit në minierën e Fushë Lopës, Martanesh, ku humbën jetën dy minatorë. Ministria e Energjisë dhe Industrisë informon se, ditën e djeshme, rreth orës 09:30, në subjektin minerar ALBA - CO shpk, vendburimi Fushë Lopë, Batër, rrethi Bulqizë, në nënkatin e tretë të galerisë nr. 8, ka ndodhur një aksident i rëndë me pasojë vdekjen e dy punonjësve të këtij subjekti. Grupi i inspektorëve të RISHM-it konstaton se, "pas zbrazjes së grykës së traversës nga materiali, minator/zjarrmëtari Xhemal Sela dhe ndihmësi Donald Baci, kanë hyrë dhe janë ekspozuar në brendësi të hapësirës së shfrytëzuar, me qëllim për të vrojtuar për rrëzimin e mineralit. Në këto momente, nga tavani i hapësirës janë shkëputur dy blloqe masivi shkëmbor ultrabazik me përmasa të mëdha, duke i goditur dhe shkaktuar vdekje të menjëhershme të dy punëtorëve". Pas veprimeve inspektuese në vendin e ngjarjes, konstatohet se aksidenti ka ardhur si pasojë e moszbatimit dhe shkeljes së Rregullores së Teknikës së Sigurimit Teknik. Ministria e Energjisë dhe Industrisë vendosi nisjen e proçedurave për heqjen e lejes minerare.

HermesNews - ©2014

Dërgo me email | Stampo artikullin