19/08/2014 13:29:45

Drurët ilegal, arrestime në veri

Transportonin drurë pa dokumentacion: sekuestrohen kamionët

SHKODËR - Policia e Qarkut Shkodër nisi proçedimin penal ndaj pesë shtetasve, të cilët u kapën nga shërbimet e policisë duke transportuar lëndë drusore pa dokumentacionin përkatës. Gjatë një kontrolli të ushtruar nga policia në aksin rrugor Shkodër - Dukagjin, janë kapur duke transportuar me automjetet e tyre, secili me nga 8 metër kub lëndë drusore, për të cilat nuk kishin asnjë dokumentacion. Gjatë një kontrolli të ushtruar nga policia në Fshatin Breg, një tjetër shtetas është kapur duke transportuar me automjetin e tij tip kamion, një sasi prej 4 metër kub lëndë drusore, për të cilat nuk kishte asnjë dokumentacion. Ky shtetas në momentin e kontrollit nuk i është bindur shërbimeve policore për ta shoqëruar në pikën e bllokimit. Materialet në fjalë iu kaluan Prokurorisë së Rrethit Gjyqësor Shkodër për hetime të mëtejshme.

HermesNews - ©2014

Dërgo me email | Stampo artikullin