19/08/2014 08:48:42

Lamtumirë një partneri special !

Kaiseri, një anëtar i programit të policisë në SHBA, K-9, u varros të premten në Massachusetts, Plymouth

PLYMOUTH - Qeni Kaiser, fundjavën e kaluar në mesdite u përcoll me të gjitha nderimet - që i takojnë një qënie të gjallë, për në jetën tjetër.

Nderimet u kryen në departamentin e policisë së qytetit Plymouth në Massachusetts. Qeni vuante nga mosfunksionimi i veshkave, një sëmundje rëndë dhe e pashërueshme.

Zyrtarët e policisë së këtij stacioni policie, në një ceremoni emocionale i dhanë Kaiserit, "Mbretit" një përshëndetje, në rrugën e tij të fundit duke parakaluar në mes të anëtarëve të Departamentit të Policisë Plymouth, me uniforma, që u mblodhën të premten për të dhënë lamtumirën - një partneri të veçantë me katër këmbë, shkruajnë sot gazetat amerikane.

Kaiseri, 2 vjeçar, një qen tradicional i racës gjermane (GSD qen gjerman i Barinjëve), që mbahet nga barinjët gjerman, për të ruajtur kopenë dhe është mjaft i njohur në malet Bavareze, ishte i sëmurë dhe sipas specialistëve (veterinerve) ai pati një rënie të shpejtë dhe të papritur në shëndetin e tij.


Veterinerët në Spitalin e Kafshëve në Court Street të Plymouth rezultuan se Kaiseri që i përkiste sektorit të qënve të policisë K-9 - kishte një sëmundje të pashërueshme në veshkat.

Kaiseri, një anëtar i programit të policisë në SHBA, K-9, u varros të premten në Massachusetts, Plymouth me një ceremoni emocionale.

Të mërkurën, një zyrtar i policisë oficeri Jamie Lebretton, kujdestari i Kai - Kaiserit, njoftoi në faqen e Facebookut në Fondacionin e Punës së Qënve të Policisë në Plymouth se "qeni i tij ishte diagnostikuar me sëmundje të rëndë të veshkave edhe pse koha e Kaiserit si një qen policie u ndërpre, "ai pati një ndikim aq të madh sa kurrë nuk do të harrohet", shkroi Lebretton.

Pas kësaj menjëherë, njerëz të ndryshëm nga e gjithë vendi kanë postuar ngushëllimet e tyre në faqen e Facebookut të policisë nga i gjithë vendi duke adresuar ngushëllimet e tyre, për qenin e policisë së Departamentit të Policisë së qytetit Plymouth në Massachusetts.

"Ndihem i privilegjuar për ketë qënije, i cili ka pasur një vend në radhën e parë, të forcave të policisë në çdo aksion për të dëshmuar trimërinë e tij dhe veprimet heroike, ndaj keqëbërsve - ndërsa ai i shërbente popullit të Plymouth dhe kolegëve në uniformat blu," tha në një postim të tij - kujdestari i Kait - Jamie Lebretton. Kaiser, shkruan shtypi amerikan ishte dhuruar në vitin 2011 nga pronari i tij në Florida për Departamentin e Policisë Plymouth, kur ai ishte një këlysh i pesë muajsh - por, u përgatit nga reparti i qënve të këtij departamenti. Kaseri ose Kai siç i thërrisnin policët në Departamentin e Policisë së qytetit Plymouth në Massachusetts, atij - u varros në Angel varrezat e Kafshëve në Middleborough.

Beqir Sina

Dërgo me email | Stampo artikullin