15/08/2014 17:50:34

Brukseli mblidhet për ISS dhe rusinë

Ukraina konfirmoi hyrjen e një autokolone ushtarake ruse në territorin e saj nëpërmjet një pike kufitare që kontrollohet nga separatistët prorusë në Lindje

BRUKSEL - Shumë ministra europianë të punëve të jashtme u mblodhën sot në Bruksel dhe paralajmëruan rusinë kundër çdo lloj ndërhyrjeje ushtarake në Ukrainë. Informacione flasin për hyrjen e autoblindeve ruse në territorin ukrainas. "Jam shumë i alarmuar nga informacioni i hyrjes së blindeve ruse në territorin ukrainas, nëse ka mjete apo personel ushtarak rus në Ukrainë ata duhet të tërhiqen menjëherë", tha Ministri britanik i punëve të jashtme, Philip Hammond. "Bëhet fjalë për një shkelje të rëndë të së drejtës ndërkombëtare", deklaroi nga ana e tij homologu suedez, Carl Bildt. Ministri danez, Martin Lidegaard, tha se "është thellësisht shqetësuar nga sjellja rruse muajt e fundit por gjithashtu edhe orët e fundit". Ministrat e BEsë që u mblodhën në Bruksel thanë se mbështesin irakianët që po luftojnë kundër Shtetit Islamik si dhe për shqyrtimin e krizës në Ukrainë.

HermesNews - ©2014

Dërgo me email | Stampo artikullin