13/08/2014 18:05:14

Gaza, vdes aksidentalisht gazetari italian

Familja e tij tha se Camilli ishte vendosur në Lindjen e Mesme duke mbuluar një sërë ngjarjesh të mëdha, përfshirë edhe konfliktet e shumta atje

TEL AVIV - Një gazetar italian është vrarë sot nga shpërthimi i një rakete në Rripin e Gazës. Simone Camilli, 35 vjeç, u vra nga një shpërthim që ndodhi gjatë kohës kur ekspertë palestinezë ishin duke u përpjekur të çmontonin një raketë izraelite, sipas njoftimeve. Gazetari, i cili ka punuar për disa agjenci lajmesh, përfshirë Associated Press. Familja e tij tha se Camilli ishte vendosur në Lindjen e Mesme duke mbuluar një sërë ngjarjesh të mëdha, përfshirë edhe konfliktet e shumta atje, shtuar këtu edhe punën në Ballkan dhe në Turqi. Ata thanë se ai ishte i pari që raportoi për aksidentin e anijes ”Costa Concordia”, në janar të vitit 2012 që rezultoi me vdekjen e 32 personave. Ndërkohë, një i afërm i një eksperti palestinez që mbeti i vrarë nga shpërthimi tha se raketa mund të ishte e një lloji të veçantë. ”Pesë persona mbetën të vrarë nga shpërthimi dhe shumë të tjerë u plagosën”, raportojnë autoritetet mjekësore palestineze.

HermesNews - ©2014

Dërgo me email | Stampo artikullin