13/08/2014 13:19:19

VIRGJËRI FAMILJARE

Vajza denoncon të dashurin për marëdhënie seksuale dhe pohon në polici, ''dua të fejohem me të''

SHKODËR - "Dua të fejohem me të", kanë qenë fjalët e 15 vjeçares para policisë, kur familjarët e shoqëruan për të bërë denoncim për lidhjen me një 19 vjeçar me incial K.

Nuk ishte përdhunuar, e gjithsesi marëdhënia seksuale me një minorene konsiderohet krim. Megjithë presionet e vëllezërve e xhaxhallarëve, vajza dhe djali i kanë idetë e qarta se çfarë duan për të ardhmen.


"E dua dhe do të fejohemi", tha thënë i riu i cili është vetëdorëzuar në polici një ditë pasi u shpall në kërkim, megjithatë familja e vajzës nuk kapërdin idenë që e bija ka pasur marëdhënie seksuale me një mashkull në atë moshë.

Sipas ligjit shqiptar një femër mund të lidhë zyrtarisht martesë në moshën 16 vjeç, por deri atëherë shpallja zyrtare e fejesës mund të jetë ilaç për gojët e këqija të shoqërisë shqiptare, kjo gjithmonë nëse për 19 vjeçarin nuk është rezervuar një fat i dytë legal.

HermesNews - ©2014

Dërgo me email | Stampo artikullin