12/08/2014 11:57:13

Studentët, ku të shkojmë ?

Pas mbylljes së universiteteve, institucionet e arsimit të lartë duhet të krijojnë një komision të posaçëm vlerësimi për njohjen e krediteve. Komisioni bën renditjen e studentëve në bazë të mesatares dhe performancës në vitet paraardhëse

TIRANE - Studentët do të aplikojnë deri brenda datës 20 Shtator për transferim dokumentash. Lajmi u dha nga ministria e arsimit. Ata do të orientohen drejt programave të ngjashme të studimit. Studentët duhet ti nënshtrohen proçesit të transferimit të institucioneve të tjera të arsimit të lartë në vend.Shpërndarja e studentëve do të bëhet mbi bazën e profileve ku kanë studiuar dhe krediteve që kanë marrë. Për regjistrim studentët duhet të paraqesin dosjen me dokumentacionin e tërhequr nga universiteti i mbyllur, fotokopjen e noterizuar të diplomës së maturës shtetërore, certifikatën e notave, dy fotografi. Studentët e ciklit të dytë kërkohet të depozitojnë fotokopje të noterizuar të diplomës dhe liste notash.

HermesNews - ©2014

Dërgo me email | Stampo artikullin