11/08/2014 17:42:19

IMEI, fundi i privatësisë

PD, ''përgjimi kërkon dy gjëra, kodin IMEI për telefonin dhe programin për tu lidhur me këtë kod dhe mjafton kombinimi i programit me kodin personal IMEI, dhe të tjerët mund të të përgjojnë duke monitoruar aktivitetet tuaja, me anë të një kompjuteri në shtëpi ose smartphonë''

TIRANË - Partia Demokratike e cilësoi sot aksesin në kodin IMEI, si fundin e privatësisë për qytetarë.

Përmes një deklarate për shtyp, koordinatorja për mediat e PD-së, Silvi Bardhi tha se “nëse dikush ka akses në kodin tuaj IMEI, qoftë edhe për pak minuta, jeta juaj kthehet në një libër të hapur për të gjithë”.

Sipas Bardhit, “përgjimi kërkon dy gjëra, kodin IMEI për telefonin dhe programin për tu lidhur me këtë kod dhe mjafton kombinimi i programit me kodin personal IMEI, dhe të tjerët mund të të përgjojnë duke monitoruar aktivitetet tuaja, me anë të një kompjuteri në shtëpi ose smartphonë”.

Po ashtu, Bardhi pohoi se “ky kod është rruga më e sigurtë e gjurmimit, përcaktimit të vendndodhjes dhe përgjimit të telefonave, mesazheve, e bisedave, pra cdo lloj komunikimi.Kjo është arsyeja që edhe Gjykata e Drejtësisë e Luksemburgut ia ka ndaluar qeverive të Bashkimit Evropian të kenë akses në kodin IMEI”.

“Ka vetëm një motiv pse qeveria kërkon të ketë kodin IMEI të çdo shqiptari: të dijë ç’farë mendojnë flasin e komunikojnë qytetarët e vendit. Dhe kjo është një ndërhyrje brutale në të drejtat dhe liritë e individit”, përfundon Bardhi.

HermesNews - ©2014

Dërgo me email | Stampo artikullin