09/08/2014 14:53:53

Pesë palestinezë vdesin nga sulmet

Dy persona humbën jetën pas një sulmi në kampin e Maghazit dhe tre të tjerë pas shembjes së xhamisë al-Qassam, në Nousseirat, bombarduar nga aviacioni izraelit

GAZA - Pesë palestinezë humbën jetën sot pas sulmeve ajrore izraelite në qendër të Rripit të Gazës, njoftuan shërbimet palestineze të sigurisë. ”Dy persona humbën jetën pas një sulmi në kampin e Maghazit dhe tre të tjerë pas shembjes së xhamisë al-Qassam, në Nousseirat, bombarduar nga aviacioni izraelit”, deklaroi Achraf al-Qodra, zëdhënës i shërbimit palestinez të urgjencës. ”Viktimat janë mes 19 dhe 56 vjeç”, saktësoi ai. Sipas burimeve palestineze, Izraeli ka shkaktuar deri tani vrasjen e mbi 1 500 palestinezëve, mbi 400 e të cilëve fëmijë.

HermesNews - ©2014

Dërgo me email | Stampo artikullin