09/08/2014 14:29:08

Tajfuni, anulohen 460 fluturime

Në Tokushima, në ishullin Shikoku, autoritetet kanë rekomanduar evakuimin e 44 100 banorëve

TOKIO - Rreth 460 fluturime u anuluan sot në jugperëndim të Japonisë duke bllokuar mijëra pushues, pas afrimit të tajfunit ”Halong”, që mund t’u afrohet brigjeve gjatë mbrëmjes. ”I shoqëruar me erëra me shpejtësi deri në 200 kilometra në orë, me shira të rrëmbyer dhe me dallgë mbi 10 metra, tajfuni do ta prekë tokën sot në mbrëmje ose nesër në mëngjes”, njoftoi Agjencia Kombëtare japoneze e Meteorologjisë. Në Tokushima, në ishullin Shikoku, autoritetet kanë rekomanduar evakuimin e 44 100 banorëve. Sot në mëngjes, tajfuni gjendej vetëm 210 kilometra larg ishullit.

HermesNews - ©2014

Dërgo me email | Stampo artikullin