08/08/2014 12:47:11

Paketa fiskale në dorë të bizneseve

Drafti i prezantuar nga Ministria e Bujqësisë ndryshon legjislacionin fiskal dhe tatimor me të cilat trajtohen bizneset bujqësore

TIRANE - Ministria e financave u ka dërguar një letër grupeve të interesit për sugjerime mbi paketën fiskale e hartuar për nxitjen e sektorit bujqësor. Afati për të kthyer përgjigje në radhët e bizneseve që operojnë në bujqësi dhe të shoqatava të ndryshme, është 20 Gushti.

Në muajin Qershor, Ministria e Bujqësisë prezantoi paketën për sektorin bujqësor, për të rritur prodhimin dhe të ardhurat në dhjetra miliona euro. Drafti synon të bëjë ndryshime në legjislacionin fiskal dhe tatimor me të cilat trajtohen bizneset bujqësore.

Drafti parashikon përjashtimin nga TVSH-ja për subjektet mbi 50 % eksportuese, të lehtësojë importin e kafshëve për mbarështim dhe të barazojë importimin e makinerive para ligjit si për individë dhe për biznese, pasi ndodh që individët nuk paguajnë TVSH dhe grositët paguajnë.

Paketa e masave përmban rimbursimin e taksave doganore apo akcizës për mallrat e importuara që kanë shërbyer si lëndë e parë për produktet e eksportit dhe kalimin nga 2% në 0%, të taksave për importin e produkteve që shërbejnë si lëndë të para për industrinë apo blegtorinë.

HermesNews - ©2014

Dërgo me email | Stampo artikullin