07/08/2014 13:11:17

Arrest me burg për ish drejtorin e thesarit në bankën e shqipërisë

Prokuroria, ish drejtori krijoi kushte për abuzim. Avokati, do të apelojmë

TIRANË - Gjyqtarja Fida Osmani vendosi masën e sigurisë arrest me burg për Dorian Çollakun, ish drejtorin e thesarit, në bankën e shqipërisë, pas akuzave nga Prokuroria për shpërdorim detyre. Sipas prokurorisë Çollaku ka neglizhuar proçedura duke i dhënë mundësi të tretëve të kryejnë vjedhje parash nga Banka e Shqipërisë. Që prej Janari 2013 e deri në Mars 2014, Çollaku nuk ka ndërmarrë asnjë nismë kontrolli, duke krijuar mundësitë për abuzime. Dorian Çollaku u arrestua dje nga Drejtoria e Policisë së Tiranës, pas urdhrit të arrestit të lëshuar nga Prokuroria në ngarkim të tij. Çollaku u bë personi i dhjetë i arrestuar për supervjedhjen e 713 milionë lekëve në Bankën e Shqipërisë, ndërsa janë nën hetim edhe pesë punonjës të tjerë, për të cilët ende nuk është vendosur se çfarë do të bëhet. Vendimi irritoi të pandehurin dhe avokatin e tij ndersa ky i fundit u shpreh se do të apeloj vendimin e gjykatës.

HermesNews - ©2014

Dërgo me email | Stampo artikullin