07/08/2014 12:51:46

Mbi 80 mijë kosovarë në një javë kaluan kufirin shqiptar

Të dhënat e policisë/ Nga 1 deri në 6 Gusht, nga Kosova kanë hyrë në Shqipëri, kryesisht për qëllime turistike, 80765 shtetas

PRISHTINË - Fluksi në rritje i kosovarëve që udhetojnë drejt bregdetit shqiptar për pushime. Lajmi u dha nga mediat në Kosovë, duke iu referuar burimeve policore nga të dy anët e kufirit. Nga 1 deri në 6 Gusht, nga Kosova kanë hyrë në Shqipëri, kryesisht për qëllime turistike, 80765 shtetas kosovarë, me 21584 automjete. Ndërsa kanë dalë nga Shqipëria duke hyrë në Kosovë 55073 shtetas kosovarë, me 19812 automjete. Gjatë javës së kaluar, sipas një raportimi televiziv nga vendngjarja mbrëmjen e së dielës, në hyrje-dalje në pikëkalimin kufitar Kosovë-Shqipëri në Vërmicë ka pasur rreth 130 mijë udhëtarë të regjistruar. Nga fillimi i muajit korrik, Policia e Kosovës dhe Policia e Shqipërisë, patrullojnë së bashku në rrugët e Shqipërisë.

HermesNews - ©2014

Dërgo me email | Stampo artikullin