05/08/2014 14:34:04

Divjakë, largohet avioni i drogës

Operacioni ka nisur në mëngjes herët, rreth orës 7-7:30’ dhe fillimisht kanë qenë 15 efektiva të policisë së Lushnjes të cilët kanë nisur të çmontojnë mjetin

TIRANË - Forca të Policisë dhe Ushtrisë kanë nisur mëngjesin e sotëm operacionin për largimin e avionit tip “Piper” që u rrëzuar në muajin maj në Divjakë, teksa po tentonte të ulej për të transportuar drogë drejt italisë.

Sipas burimeve nga Policia e Shtetit, mësohet se operacioni ka nisur në mëngjes herët, rreth orës 7-7:30’ dhe fillimisht kanë qenë 15 efektiva të policisë së Lushnjes të cilët kanë nisur të çmontojnë mjetin, me qëllim përgatitjen e tij për transportim drejt Tiranës.

Vendi ku u rrëzua avioni shumë shpejt u kthye në një pikë turistike, ku të gjithë gjithë kalimtarët dhe pushuesit nuk harronin të kryenin një foto pranë avionit. Tashmë sipas planifikimit të policisë avioni do të jetë një aset i sekuestruar nga policia dhe deri në përfudim të hetimeve do të mbetet në tiranë, deri sa të ketë një vendim të dytë.

Kujtojmë që në orën 14:40 minuta të 10 majit 2014, avioni i vogël me një pilotin italian Giorgio Riformato u rrëzua në plazhin e Divjakës. Avioni i llojit “Piper” ngeci në rërën e plazhit të Divjakës pas këputjes së rrotës.

Në pyllin pranë plazhit u gjet një makinë me 460 kg hashash dhe sipas drejtuesit të mjetit, lënda narkotike do të ngarkohej në avionin e rrëzuar për tu trafikuar drejt Italisë.

Deri më sot si rrjedhojë ekësaj ngjarje janë arrestuarl piloti italian Giorgio Riformato, Saimir Bajramit, Kleviol Ahmetit dhe Aurel Pupës, ndërsa është shpallur në kërkim Mariglen Ymeraj, me detyrë ish-polic në drejtorinë e anti-drogës Sarandë, i cili dyshohet se është bashkëpunëtori i pestë i trafikantëve të drogës nëpërmjet avionit të kapur në Divjakë.

HermesNews - ©2014

Dërgo me email | Stampo artikullin