04/08/2014 20:38:53

Kristian Lumaj dëshmon nga Spanja. ''Po mjekohem''

Kristian Lumaj ndodhet në Spanjë, zyrtarisht për t'u kuruar. Ai u arratis nga burgu me datë 26 qershor. Do të kthehet me avokaten në fund të muajit

TIRANE - Kristian Lumaj i akuzuar për plagosjen e politicit Kastriot Prençi, ngjarje e ndodhur në veri të vendit, ndodhet në Spanjë, zyrtarisht "për t'u kururar", sipas tij. Dëshmia u bë në tv A1 report ku tha se nuk e kishte plagosur policin. "Do të vetëdorëzohem", deklaroi.

"Jam arratisur më 26 qershor. Më akuzojnë mua sepse duan të fshehin pisllëqet e tyre. Kam frikë të shkoj në shtëpi se nuk më lë policia. Ata nuk më lënë nënën për të ngrënë bukë. Pyesin na tregoni ku është Kristiani duke përdorur dhunë ndaj të pafajshmëve. Kur të vij do të bëj burg, por jo për gjëra që nuk kam bërë. E kam fjalën për plagosjen e Kastriot Prençit, nuk e njoh dhe nuk e kam plagosur unë."

Policia po bën presion ndaj familjes, akuzon i riu dhe për këtë ai ka frikë të kthehet.

Akuza të rënda ndaj uniformave blu. "Ka shkuar policia tek shtëpia, dhe thonë thuaj të dorëzohet se do ta vrasim. Nuk më lënë të hyj në Shqipëri. Do të vetëdorëzohem në fund të muajit, sa të kurohem me avokaten time, me noter se përndryshe do të më vrasin. E kam këtë mendim, sepse policia shkon e betohet se do të më vrasin. Unë direkt nuk mund të dorëzohem se jam i sëmurë dhe po mjekohem".

"Në video i referohem komisar Fatmir Lleshit, dhe të gjithë atyre komisarëve që bëjnë presion në shtëpinë time. Edhe rradhën tjetër që më kanë dënuar me 12 vjet burg për vjedhje me dhunë dhe grabitje, më kanë qëlluar me automatik", shprehet Lumaj.

I akuzuari pritet të kthehet në fund të këtij muaji në Shqipëri dhe atëherë do të hapet një tjetër histori.

HermesNews - ©2014

Dërgo me email | Stampo artikullin