04/08/2014 17:06:19

Universitetet pa kritere

Hiqen dhe pezullohen liçensat e universiteteve. ''75 % e instuticioneve kanë probleme me kriteret ligjore apo 18 prej tyre nuk plotësojnë as kriteret minimale''

TIRANE - Ministria e Arsimit dhe Sportit ka propozuar heqjen e licencës për 18 universitete në vend, pezullimin e disa të tjerëve dhe vazhdimin me kusht për një numër shkollash të larta në vend.

Gjatë raportit të verifikimit të kritereve të ligjshmërisë në institucionet e arsimit të lartë, publike e privatë në vend, ka propozuar jo vetëm pezullimin e aktivitetit por edhe heqje të liçencave për disa prej tyre.

"Treguesit e gjëndjes së arsimit në Shqipëri ishte e tillë që ne nuk duhet të përsërisnim modelin e mëparshëm", tha ministrja Lindita Nikolla.

"Këto dokumenta që mbaj në duar dhe raport janë simbol i një pune të madhe dhe ndryshimi që ndodh për herë të parë në vend. E përsëris, kemi verifikuar vetëm kriteret e ligjshmërisë, ende nuk kemi filluar me verifikimin e cilësisë që ofrojnë këto", sqaron Nikolla.

"Në raportin e ligjshmërisë sqarohen edhe arsyet e reduktimit të kuotave sikurse edhe heqja e disa programeve të studimit apo edhe pezullimi i pranimeve në ciklin e parë të studimeve", tregon ajo.

Ministria premton transparencë për publikun. "75 % e instuticioneve kanë probleme me kriteret ligjore apo 18 prej tyre nuk plotësojnë as kriteret minimale", me pas i referohet të diplomuarve nga këto universitete. "Nuk do të cënohen diplomat, do ta tejkalojmë ligjin duke mbështetur studentët. Grupet e Punës do të verifikojë çdo dosje, emër për emër të paraqitet në bazë të dokumentave dhe krediteve të mara. Proçedurat do të jenë publike në faqen zyrtare te MAS", tha ajo.

Përveç ligjshmërisë, Agjencia Britanike do të verifikojë cilësnë e univerisiteteve. "Kemi gjetur instuticione që nuk kanë regjistër studentësh, apo që thonë që gjatë transportit nga një godinë në tjetrën ka rënë dokumentacioni, apo të tjerë që vijojnë të thon që u dogj dokumentacioni me urdhër të atij apo këtij dekan. Kjo është turpi i atyre që kanë lejuara dhe fytyre", tha ajo.

"Janë gjetur dokumente ku studentët paguajnë tarifën e studimit me florinj", çudit ministrja.

Në 12% të instuticioneve të arsimit të lartë publike nuk rrezulton të ketë pasur staf të mjaftueshëm efektiv në njësinë bazë të tyre. Në më shumë se 3 apo 4 të instuticionet e Arsimit të Lartë nuk arrin ngarkesën mësimore akademike në staf të brëndshëm, 40% e instuticioneve të arsimit të lartë nuk ka regullatore të brëndshme, 85% nuk zbaton rregulloren e brëndshme për ruajtjen e dokumentacionit të instutuiconit. 56 % e intuticioneve nuk japin garanci finaciare, citon raporti.

Propozim për heqje liçence:

Universiteti ‘Kristal’
Universiteti ‘Vitrinat’
Universiteti ‘Justiniani I’
Universiteti ‘Albanian University’, i njohur më pare më emrin, ‘UFO’
Shkolla e Larte, “Nena Mbretereshe Geraldine”
Shkolla e Larte Amerikane e Tiranes
Shkolla e Larte Nderkombetare e Tiranes
“Shkolla e Larte Ilyria”
Kolegji profesional ‘Argent’, Shkoder
Kolegjet Profesionale, private “Medicom’
Shkolla e Larte Private e Edukimit
Universiteti ‘Elite’
“Universiteti Planetar i Tiranes”
Medikadent”
“Gjon Buzuku”, Shkoder
Akademia e Ndertimit, Tiranë
Kolegji Profesional i Sporteve të tjera


Propozimi për pezullim:

Akademia Profesionale e Biznesit
Kolegji Profesional Provat “neë generation”
Instuticioni i Arsimit të Lartë “ Pavarsia Vlorë”
Intuticioni Justicia
Instuticioni Sevasti dhe Parashevi Qiriazi
Akademia e Arteve Shkodër
Propozim për mbyllje të filialeve:
Filiali Kukës, UT
Filiali Sarande, UT
Filiali Peshkopisë, UAMD
Filiali Pogradec, UK
Filiali Lushnje, UBT
Filiali Gjirokastër, UBT

HermesNews - ©2014

Dërgo me email | Stampo artikullin