02/08/2014 16:52:06

Kontroll liçensave të peshkimit

Në Ministri është ngritur një grup Task-Force për verifikimin e proçedurave që janë ndjekur për dhënien e liçensave të peshkimit

TIRANE - Ministria e Bujqësisë, ka ngritur Task Forcen për verifikimin e liçencave të peshkimit detar, ujërave te brendshme, akuakulturës dhe kontratat e tokave bujqësore. Në një njoftim për shtyp, Ministria e Bujqësisë bën të ditur se, ka nisur prçcedurat për anullimin e 22 liçensave të peshkimit dhe 45 kontratave për tokat bujqësore. Në Ministri është ngritur një grup Task-Force për verifikimin e proçedurave që janë ndjekur për dhënien e liçensave të peshkimit si dhe për verifikimin e proçedurave për lidhjen e kontratave për tokat bujqësore në të gjithë territorin e vendit. Një tjetër detyrë e grupit Task-Force ka qenë edhe verifikimi i zbatueshmërisë së kushteve që përmbajnë liçensat e peshkimit. Pas verifikimeve, janë konstatuar se ka pasur probleme si me proçedurat e dhënies së liçencave të peshkimit dhe lidhjes së kontratave për tokat bujqësore. Prandaj Ministria ka urdhëruar fillimin e proçedurave për anullimin e 22 liçensave të peshkimit detar dhe ujërat e brendshme dhe akuakulturës dhe 45 kontratave për tokat bujqësore.

HermesNews - ©2014

Dërgo me email | Stampo artikullin