02/08/2014 13:41:31

Të gjithë fajin e ka Hamas

nga Gideon Levy

HermesNews - Është shumë e lehtë të jesh izraelit: ndërgjegja jote është e pastër si dëbora, sepse të gjithë fajin e ka Hamas.

Raketat janë faji i Hamas. Është Hamasi ai që ka filluar luftën pa asnjë motiv. Hamasi është organizatë territoriste. Eksponentët e saj janë kafshë, të lidur vetëm për të vrarë, ekstremistë.

Rreth 400 mijë palestinezë braktisën shtëpitë e tyre. Më shumë se 1,200 janë vrarë. 80% ishin civilë. Gjysma e tyre gra dhe fëmijë. 50 familje janë shfarosur. Shtëpitë e palestinëve janë shkatërruar bashkë me to brenda. Tragjedia ka arritur përmasat e një masakre, por Izraeli i ka duart dhe ndërgjegjen e pastër. Të gjithë fajin e ka Hamas.

Ua lë psikologëve ta zgjidhin këtë mohim izraelitët i bëjnë realitetit. Kjo zhvendosje faji nuk ishte parë që kur izraelitët akuzonin palestinezët se po i vrisnin fëmijët, nëpërmjet ushtrisë izraelite. Sëmundja tashmë është transformuar në një epidemi. Ndërgjegja nacionale nuk ka lëvizur një muskul para kësaj masakre dhe disa po punojnë për ta mbajtur siç është këtë situatë.

Dhe duke e parë sa e lehtë është të fajësosh Hamasin, Izraeli nuk ka patur asnjëherë një armik kaq të favorshëm. Duhet të pyesin veten nëse vërtet është faji i tyre dhe nëse Izraelit është me të vërtetë i pafajshëm. E vërteta është para realitetit të Gazas, i përgjakur dhe i shkatërruar nga dora izraeliane.

Hamas është vërtet një organizatë terroriste ? Si është e mundur që në këtë luftë të jetë më fajtor se ushtria izaelite ?

Vetëm sepse nuk troket në çati 80 sekonda para se të lëshojë bombat ?

Sepse lëshon raketat tek civilët ? E bën dhe Izraeli, por në një formë më efikase. Sepse do të shkatërrojë Izraelin ? Sa izraelitë duan të shkatërrojnë Gazan ? Në këtë moment të gjithë e dimë se kush kërkon të shkatërrojë vërtet dhe kë ?

Hipokrizia e Izraelit ka arritur nivelet më të larta, në dukje për të mbrojtur të drejtat e civilëve palestineze.

Shikoni si i trajton Hamas, bërtasin demokratët izraelitë, të kujdeshëm për të drejtat e palestinezëve.

Hamas ka një sjellje prej tirani, por tirania e tij nuk është asgjë në krahasim me atë të izraelit, që i ka imponuar Rripit të Gazas një shtetërrethim prejt 7 viteve dhe pushtim që zgjat 47 vjet.

Rrethimi është shkaku i parë i shkatërrimit të ekonomisë dhe shoqërisë në Gaza dhe faleminderit kush kërkon ta shpëtojë, kush shqetësohet për mungesën e demokracisë që ka, kujt i bën përshtypje korrupsioni, kush denoncon faktin se liderët palestinezë jetojnë nëpër hotele luksoze ose në bukerë të fshehur, kush shqetësohet për paratë e shpenzuara për tunelë, dhe raketat në vend të parqeve me lojëra dhe aktiviteteve kreative. Faleminderi, shumë faleminderit.

Çfarë thoni për Izraelin ? Liderët e tij mos jetojnë nëpër kasolle ? A nuk është e vërtetë që Qeveria shpenzon shifra marramëndëse për nëndetëse që nuk shërbejnë dhe lëndë shpërthyese ne vend të shëndetësise dhe arsimit ? Hamas është fondamentalist ? Izraeli po bëhet. Hamasi ndrydh femrat ? E gabar, por të drejtat e grave janë të mohuara dhe brenda komuniteteve të mëdha.

Pse banorët në Gaza zgjodhën Hamas dhe jo liderët më të moderuar ? Sepse me të moderuarit e kanë provuar me vite dhe nuk kanë arritur asgjë. Në këmbim morën vetëm refuzime dhe denigrime. Izraeli i ka dhënë ndonjëherë një motiv palestinezeve për të zgjedhur diplomacinë në vend të dhunës ?

Hamas, të paktën ka marrë lirimin e mijërave të burgosurve dhe ka mbajtur pak dinjitet dhe pse me një çmim shumë të lartë që banorët e Gazas po e paguajnë tani ? Çfarë mori për popullin e vet presidenti Abu Mazen ? Asgjë, vetëm një foto më Obaman.

Personalisht nuk jam fan i Hamas, përkundrazi. Por tentativa e Izraelit për t'ia hedhur gjithë fajin Hamasit është e pakonceptueshme. Së shpejti komuniteti ndërkombëtar do i mbyllë masakrat e kësaj lufte. Hamasi do të kritikohet, me të drejtë, por Izraeli do të dënohet akoma më shumë. Izraelitët do të thonë: "Të gjithë fajin e ka Hamas". Bota pas kësaj do të qeshë me ne.

HermesNews

Dërgo me email | Stampo artikullin