01/08/2014 14:22:07

Mogherini drejt diplomacisë në BE

Renzi zyrtarizon kërkesën e Mogherinit si kandidate e Italisë dhe përfaqësuese e lartë e BE-së për diplomacinë e unionit

ROMË - Kryeministri italian, Matteo Renzi i ka shkruar një letër presidentit të Komisionit Europian, Jean-Claude Juncker për të zyrtarizuar kërkesën që ministrja e Jashtme italiane, Federica Mogherini të jetë kandidate e Italisë si përfaqësuese e re e lartë e BE-së për diplomacinë e unionit. Renzi ka përmendur zëvendësimin e shefes aktuale të diplomacisë evropiane, Catherine Ashton me Mogherinin, por nuk ka patur konsensus dhe vendimi i anëtarëve të lartë të komisionit ishte vënë deri në një tjetër samit, më 30 gusht. Politika e jashtme është vendosur që t’i kalojë një përfaqësuesi nga blloku socialist i partive evropiane, ku Partisë Demokratike të Renzit (PD) i takon si pjesë e marrëveshjes. Të paktën 10-11 vende raportohen kundër Mogherinit, për më tepër Polonia dhe vende të tjera të Europës Lindore, me arsyetimin se ajo nuk ka përvojë mjaftueshëm dhe se mund të tregohet e butë ndaj Rusisë.

HermesNews - ©2014

Dërgo me email | Stampo artikullin