31/07/2014 11:23:19

Basha harron Fullanin. Kujdes CEZ !

''Shqipërisë, CEZ i detyrohet 3 miliardë dollarë''

TIRANË - Kryetari i Partisë demokratike, Lulzim Basha, akuzon qeverinë shqiptare se ka firmosur me kompaninë çeke të energjisë ‘CEZ-Group’ marrëveshjen që sipas tij, përbën skandalin ekonomik të shekullit. Pala çeke i detyrohet Shqipërisë plot $3 miliardë, sipas Bashes. Në një konferencë për mediat, ai tha se raportet e një kompanie audituese, nxjerrin në pah se cështja në arbitrazh mes ‘CEZ-Group’ dhe Shqipërisë, ishte e fituar nga qeveria shqiptare.

"Ne raporte që disponohen nga opozita thuhet me fakte dhe shifra se Shqipërisë, CEZ i detyrohet 3 miliardë dollarë. Kompania u shkatërruar me qëllim nga CEZ- Group, se paratë s’ishin marrë për investime. Vlera e kompanisë ishte zeruar. Paratë e investimeve ishin kthyer në parajsa fiskale nga kompanitë fantazmë të kontraktuara nga cez. Heqja e licencës nga ere ishte e drejtë. Paditë e CEZ-it ishin të pajustifikuara. Qeveria i mban të fshehura këto raporte dhe keqpërdor emrin e avokatit ndërkombëtar", tha Basha.

Qeveria shqiptare tha se arriti negociatat me CEZ-Group duke shuar konfliktin e nisur nga ish-qeveria Berisha në vitin 2012, ku u ra dakord për t’i paguar palës çeke 95.5 milionë euro (sëbashku me interesin) nga 200 milionë euro që kërkonte CEZ-i.

HermesNews - ©2014

Dërgo me email | Stampo artikullin