31/07/2014 09:08:58

Gjermeni shperndan çertifikatat e guidave te para turistike

Sistem kreditimi, në bazë të të cilit do të disiplinohet veprimtaria e guidave

TIRANE - Guidat e para turistike në Shqipëri tashmë kanë filluar aktivitetin, pas çertifikatave të shpërndarë nga Ministrja e turizmit Eglantina Gjermeni, e cila i cilësoi guidat si ambasadorët e parë në prezantimin e Shqipërisë. "Udhërrëfyesi turistik është ambasadori më i mirë i vlerave kulturore dhe historike të vendit. Ata janë pasqyra e Imazhit të Shqipërisë. Për të gjithë ata që punojnë në fushën e Turizmit, e kuptojnë fare mirë sesa e nevojshme është vendosja e standardeve për udhërrëfyesit turistike", tha Ministrja Gjermeni. Drejtoresha e përgjithshme e turizmit Sonja Popa tha se, "në bashkëpunim me shoqata e guidave, do të ngrihet një sistem i konsoliduar kreditimi, në bazë të të cilit do të disiplinohet e gjithë kjo veprimtari. Vetëm në këtë mënyrë mund të sigurohen standardet bashkëkohore të guidimit". Ishin 14 personat që morën "Çertifikatën", ndërsa 10 të tjerë morën "Çertifikatën e Pjesëmarrjes", sipas projektit pilot që u realizua nga CEBE, në kuadër të bashkëpunimit me Ministrinë e Zhvillimit Urban dhe Turizmit.

HermesNews - ©2014

Dërgo me email | Stampo artikullin