30/07/2014 14:01:51

PD me 11 degë në Tiranë

PD në Tiranë ka një riorganizim të ri

TIRANE - Partia Demokratike ka vënë votën e lirë, në themel të organizimit dhe sistemit të karrierës. Zgjedhjet në Tiranë kanë hyrë në fazën përmbyllëse me zgjedhjet për kryetar dege. PD në Tiranë ka një riorganizim të ri. Ajo nuk do të ketë më një degë të vetme por 11 të tilla që përkojnë me 11 njësitë bashkiake. "Duke bërë këtë riorganizim të Partisë Demokratike në Tiranë në 11 degë, ka për qëllim për të qenë më afër anëtarëve dhe simpatizantëve të PD-së, për të qenë më afër qytetarëve, për t’i marrë vendimet tona të brendshme politike sa më afër anëtarësisë tonë, me sa më shumë përfshirje të anëtarësisë tonë, se pushtetin për vendimmarrje në Partinë Demokratike, dita-ditës po e afrojmë dhe po ua delegojmë anëtarëve të PD-së", tha Basha. Basha ka theksuar se PD ka vendosur standarde të reja, përsa i përket organizimit dhe funksionimit të partive politike, jo vetëm në Shqipëri. Kjo parti ka sot një regjistër të anëtarësisë të dixhitalizuar, sikundër ka vënë votën në themel të organizimit dhe të karrierës në këtë parti.

komunikatë për shtyp

Dërgo me email | Stampo artikullin