30/07/2014 12:10:57

Inaugurohet rruga e ''Pezës''

Peleshi, nga reforma territoriale përfitojmë 60 milionë dollarë në vit

TIRANE - Inaugurohet rruga e re që lidh Pezën e madhe dhe Pezën e vogël. Ky investim i realizuar nga Fondi Shqiptar për Zhvillim, shoqëruar dhe nga shtrimi i linjës së re të ujësjellësit, lidh 6000 banorë të Komunës Pezë me rrugën nacionale, por sjell edhe një vlerë të shtuar ekonomike duke krijuar mundësi për të shfrytëzuar potencialin turistik e bujqësor të zonës. Të pranishëm në inaugurim Zv.kryeministri Niko Peleshi, Ministri i shtetit për çështjet vendore Bledi Cuçi dhe deputeti Artan Gaçi. Duke e quajtur reformën administrativo territoriale të vonuar dhe një korrigjim historik, Zëvendëskryeministri dhe Ministri i Shtetit për Cështjet Vendore diskutuan edhe në lidhje me përfitimet e drejtëpërdrejta financiare që do të ketë vendi që arrijnë deri në 60 milionë dollarë në vit.

HermesNews - ©2014

Dërgo me email | Stampo artikullin