29/07/2014 22:26:47

Të drejtat e njeriut dhe dinjiteti

nga Franz Winsauer

HermesNews - Është një marëveshje botërore që të ruhet dhe të zhvillohet e drejta dhe dinjiteti i njeriut. Por realiteti, sidomos në Shqipëri, flet me një gjuhë tjetër, dhe në jetën e përditshme të shumë njerëzve as nuk ndjehet kjo fjalë dhe nuk ka një gjurmë të saj.

Nganjëherë janë vogëlsirat që e vështirësojnë jetën. Në Shqipëri mungojnë gjërat me elementare bashkë me praktikat burokratike e ligjore që bëhen nëpër institucionet publike.

Një problem themelor dhe shumë i ngarkuar është ai që ka të bëje me njërëzit handikap të cilët nga turpi ose nga një arsye tjetër, familjarët i fshehin nëpër shtëpi ose në banesa.

Kjo kategori nuk gëzon liri: si rrjedhojë nuk mund të zhvillohet sepse i pengojnë që të rriten dhe kjo gjë është për t’u menduar, pasi nuk është as e nevojshme dhe mbi të gjitha e padrejtë.

Kjo i përket të drejtave elementare dhe të njeriut.

I gjithë opinioni publik duhet t'a mendojë këtë sepse është e nevojshme dhe urgjente. Çdo njeri ka individualitetin e tij dhe duhet repsektuar sipas mundësive të veta.

Njerëzit me aftësi të kufizuara fizike dhe mendore kanë të drejtë për njohje dhe sjellje me dinjitet ndaj tyre; për t’u vënë në marëdhënie me njërezit e tjerë dhe jo të lihen vetëm.

Përvoja botërore në lidhje me sjelljen, trajtimin dhe ndihmën ndaj personave me aftësi të kufizuara tregon se është e mundur që dhe këtyre njerëzve t’u japësh të drejta njerezore që dhe ata të kuptojnë që janë të mirëpritur e të ndjehen se marrin trajtimin e duhur.

Këta mund të jenë njerëz shumë të dashur, të lumtur dhe të kenaqur po të sillesh mirë me ta dhe t'u japësh hapësirë jetësore dinjitoze në perputhje me aftësitë që kanë.

Në vendin tuaj, (Shqipëri) ekziston një nevojë e madhe (për trajtim më njerëzor ndaj kësaj kategorie) dhe kjo duhet rregulluar. Zhvillimi modest i tyre mos të pengohet por t’u jepet hapësirë jetësore dinjitoze.

Në Shqiperi duhet patjeter që të rregullohet e gjitha kjo.

Ka një nevojë të madhe dhe duhet ndërhyrë në lidhje me komunikimin dhe sjelljen ndaj njerëzve me aftësi të kufizuar. Këta persona janë zhvilluar dhe kanë bërë të mirën e tyre, kanë ndryshuar për mirë prandaj duhet bërë thirrje private dhe publike për të ndërruar sjellje dhe për të transformuar mentalitetin sidomos të atyre që i fshehin këta njerëz dhe nuk i nxjerrin në publik.

Është nevojë shumë urgjente për të ndërhyrë si në institucionet e shkollave dhe jashtë tyre.

Është shumë e nevojshme që rreth kësaj të reflektojnë dhe ato që nuk janë të prekur nga kjo çështje por që mund të preken në çdo kohë, sepse nuk je kurrë i mbrojtur në jetë.


*Autori është Drejtori i Karitasit Austriak në Shqipëri

HermesNews - ©2014

Dërgo me email | Stampo artikullin