29/07/2014 12:50:11

Trafiku i organeve pa prova të mjaftueshme

Williamson: ''Natyra sistematike ose e gjerë e këtyre krimeve në periudhën pasi përfundoi lufta në qershor të vitit 1999 e justifikon ndjekjen penale për krimet kundër njerëzimit''

PRISHTINE - Prokurori amerikan Clint Williamson, tha se: "nuk ka gjetur dëshmi të mjaftueshme për pohimet e Dick Martyt për trafikim organesh, por nuk do të thotë se kjo nuk ka ndodhur dhe ne do t’i shkojmë deri në fund këtyre hetimeve". Gjatë prezantimit në një konferencë për shtyp në selinë e BE-së, të dhënave të hetimit tre vjeçar, rreth pohimeve për trafikim organesh në Kosovë, që u zhvilluan nën ombrellën e Bashkimit Europian, prokurori Williamson tha se: "me gjithë këto vështirësi, unë jam i bindur se Task Forca Hetimore Speciale (TFHS) ka zhvilluar hetimin më të plotë që është bërë deri sot për krimet e kryera, pasi lufta përfundoi në Kosovë në qershor të vitit 1999". Williamson tha se "natyra sistematike ose e gjerë e këtyre krimeve në periudhën pasi përfundoi lufta në qershor të vitit 1999 e justifikon ndjekjen penale për krimet kundër njerëzimit. Unë do ta largohem dhe do t’ia lëshojë vendin një kryeprokurori tjetër, i cili do të merret me punët paragjygjësore", tha ai.

HermesNews - ©2014

Dërgo me email | Stampo artikullin