29/07/2014 12:38:05

Bashkimi Europian njëzëri kundër Moskës

Në terren forcat ukrainase sulmuan dje disa pika strategjike që kontrollohen nga kryengritësit prorusë

BRUKSEL - Bashkimi Europian pret të paraqesë sanksione të reja ndaj Rusisë. Kjo e fundit është akuzuar se mbështet rebelët ukrainas, kundër të cilëve Kievi është duke kryer luftime të ashpra në lindjet të vendit. Në Bruksel, ambasadorët e 28 shteteve anëtare të BE-së pritet të vendosin për sanksione të reja ekonomike kundër Rusisë, kryesisht mbi tregjet financiare, shitjen e armëve, shitjen e teknologjive të rëndësishme në fushën e energjisë si dhe të atyre me përdorim të dyfishte si ushtarak edhe civil.Krerët perëndimorë, presidenti francez François Hollande, ai amerikan Barack Obama, kryeministrja gjermane Angela Merkel, kryeministri britanik David Cameron dhe ai italian Matteo Renzi rikonfirmuan dje synimet e tyre për marrjen e masave kundër Rusisë, që akuzohet se furnizon me armë separatistët në lindje të Ukrainës.

HermesNews - ©2014

Dërgo me email | Stampo artikullin