26/07/2014 17:58:01

Basha - Mogherini, biseda për politikat e brendshme

Italia mbështet integrimin e ballkanit perëndimor. Basha, qeveria sfidon ligjin

TIRANË - Gjatë turit të takimeve në Tiranë, Ministrja e jashtme italiane Federica Mogherini u takua sot me kreun e selisë blu Lulzim Basha. Italia, vend i cili udhëheq presidencën e radhës së Bashkimit Europian dhe premton se do t'i japë një shtysë marëdhënieve Shqipëri - BE, por me shumë se kjo, kreu i opozitës është përqëndruar tek situata e brendshme politike, dhe ligjet e miratuara nga qeveria. "Sfiduesja më e madhe e ligjit në vend është vetë Qeveria, e cila nuk respekton dhe nuk zbaton vendimin e gjykatave", tha Basha duke iu referuar vendimeve të Gjykatës Kushtetuese, "si në rastin e Ligjit për Nëpunësin Civil, për kompetencat e INUK, për komisionet hetimore parlamentare dhe qindra vendime të tjera të gjykatave të vendit", tha Basha.

HermesNews - ©2014

Dërgo me email | Stampo artikullin