25/07/2014 18:51:59

Rezolutë kundër gjenocidit në Gaza

Muslimanët e shqipërisë i bëjnë thirrje OKBsë dhe organizatës së kombeve të bashkuara për hartimin e një rezolute, kundër vrasjeve të civilëve në Gaza

TIRANE - Forumi Musliman i Shqipërisë kërkon që Qeveria Shqiptare të mbajë pozicion për dhunën në Gaza, që sipas tij ka shkaktuar deri tani 800 viktima dhe rreth 5000 të plagosur. Myslimanët i bëjnë thirrje OKBsë organizatës së kombeve të bashkuara të ndërmarrin hartimin e një rezolute, për dënimin e vrasjeve të civilëve në Gaza, si krime kundër njerëzimit.
Forumi, "i kërkon qeverisë shqiptare të prononcohet mbi gjenocidin që po ushtrohet ndaj popullsisë së gazës dhe bën thirrje publike për ndalimin e menjëhershëm të luftimeve, lejimin e ndihmave dhe ekipeve humanitare, në mënyrë që tragjedia të mos rëndohet më tej. Ne mendojmë se të drejtën për të ekzistuar në të njëjtën formë dhe intensitet e kanë banorët autoktonë palestinezë dhe se paqja për këtë rajon arrihet vetëm duke e konsideruar dinjitetin njerëzor jo vetëm si atribut i një race në kurriz të një tjetre", përfundon komunikata.

komunikatë për shtyp

Dërgo me email | Stampo artikullin