23/07/2014 07:16:43

I burgosuri jep doktoraturën në IT. Vlerësohet 110 maksimalisht

Alban Bardhi dha provim për mbrojtjen e Doktoraturës për profilin e studimeve në degën e Histori - Gjeografisë

TIRANË - Një i burgosur ka dhënë provim online me datë 21 Korrik përmes skype. Alban Bardhi, i paraburgosur në IEVP "Mine Peza" ka zhvillukar provimin në një dhomë të veçantë të pajisur me kompjutera e me kamera dhe mikrofon, në kushtet e sigurisë dhe mbarëvajtjes normale të proçesit të provimit. Shtetasi Bardhi dha provim për mbrojtjen e Doktoraturës për profilin e studimeve në degën e Histori - Gjeografisë.

Në anën tjetër të ekranit ka qenë i pranishëm komisioni i vlerësimit të provimit, i cili përbëhej nga pedagogë të Universitetit të Romës në Itali. Në fund të provimit, i paraburgosuri është vlerësuar me shkallën maksimale të 110 pikëve (shkëlqyer).

Alban Bardhi ka lindur dhe është banues në Tiranë. Ai akuzohet për veprat penale “Prodhim dhe shpërndarje të lëndëve narkotike”, “Armëmbajtje pa leje” dhe “Trafikim të qenieve njerëzore dhe shfrytëzim prostitucioni”.

Është dënuar në Itali me 27 vjet e 6 muaj heqje lirie, siguri e lartë dhe ka për të kryer edhe 13 vjet dënim. Ai është ekstraduar nga Roma më 26 qershor 2014.

HermesNews - ©2014

Dërgo me email | Stampo artikullin