22/07/2014 16:45:59

Ankara, valë arrestimesh policore

Vetëm në qytetin e Stambollit policia ka bërë rreth 200 ndërhyrje

ANKARA - Autoritetet turke arrestuan sot 55 zyrtarë të lartë të policisë në kuadër të një hetimi pas akuzave për korrupsion dhe abuzime me pushtetin duke vazhduar spastrimet brenda policisë dhe gjykatës, njoftuan sot televizionet turke. Rreth 40 zyrtarë të lartë në marrëdhënie pune apo në pension u arrestuan në Stamboll duke përfshirë dhe ish-shefin e njësisë antiterroriste të policisë së Stambollit, Omer Kose. Rreth 15 zyrtarë të tjerë janë arrestuar në qytete të tjera. Vetëm në qytetin e Stambollit policia ka bërë rreth 200 ndërhyrje. Imazhet televizive treguan zyrtarë të lartë të prangosur. ”Personat e arrestuar janë akuzuar për spiunazh, përgjime të paligjshme dhe përdorim të rremë të dokumenteve zyrtare”, sipas medias.

HermesNews - ©2014

Dërgo me email | Stampo artikullin