21/07/2014 12:06:54

Gjykata hedh poshtë plan veprimin e Qeverisë për ''pronat''

Plan veprimi nuk sjell asgjë të re nga paraardhësit në vitet 2012 dhe 2011

TIRANE - Gjykata e Strabourgut i ka dërguar një përgjigje qeverisë shqiptare në lidhje me plan veprimin e dërguar nga ajo, për ngrirjen e vendimeve mbi vendosjen e një skeme efektive kompensimi siç përcaktohet në gjykimin pilot të vendosur në çështjen "Manushaqe Puto dhe të tjerë kundër Shqipërisë", deri më 17 Dhjetor të vitit 2015.

Dhoma, vendosi të mos e aprovojë kërkesën, citojnë mediat shqiptare sot.

Në letër shkruhet se i takon qeverisë që sipas Artikullit 46/2 të konventës (drejtave të njeriut), të vlerësojë zbatimin e masave individuale dhe të përgjithshme përsa i përket ekzekutimit të këtij gjykimi.

Masat e vendosur në planin e veprimit të datës 1 Prill 2014 nuk kanë ndryshim domethënës nga ato të vendosura nga strategjia kombëtare për të drejtën e pronësisë në vitin 2012 dhe plani i veprimit i vitit 2011.

Më datë 7 Qershor të këtij viti, Kie (Komiteti i ministrave të këshillit të europës), organ mbikqyrës për batimin e vendimeve të gjykatës së strasburgut, i dha "OK" kalimit të plan veprimit të qeverisë në Strasbourg.

HermesNews - ©2014

Dërgo me email | Stampo artikullin