18/07/2014 14:38:27

Një libër për macen e Karl Laggerfeld

Pas një profili në Twitter dhe sfilatave si një star e vërtetë në passarela, Choupette, macja fatlume e Karl Lagerfeld do të ketë edhe një libër kushtuar asaj si dhe një linjë make-up-i e frymezuar posaçërisht prej saj

PARIS - Pas një profili në Twitter dhe sfilatave si një star e vërtetë në pasarela, Choupette, macja fatlume e Carl Lagerfeld do të ketë edhe një libër kushtuar asaj si dhe një linjë make-up-i e frymezuar posaçërisht prej saj.
Numri 1 i firmës së njohur Chanel sapo ka firmosur një kontratë me shkrimtarët Patrick Mauries dhe Jean Christophe Napias, të cilët marrin përsipër librin mbi macen e bardhë dhe tej mase të përkëdhelur të Laggerfeld.

Libri do të titullohet “Choupette, jeta e një macje të modës së lartë” dhe do të pasqyrojë të gjitha hobby-t dhe pasionet e saj, me detaje të hollësishme si për shembull fakti që dreka i serviret në pjata floriri dhe ka një karrocë të stiluar nga Louis Vuitton. Nuk do të mungojnë as foto të Choupette vetëm dhe e shoqëruar nga modele.

Përveç librit, Laggerfeld ka arritur një marrëveshje me firmën japoneze Shu Uemera, që do të krijojë një linjë make-up-i duke u frymëzuar nga Choupette. Madje akoma pa u krijuar është porositur nga yje të botës së spektaklit dhe modës. Nuk janë bërë akoma të ditura detajet mbi këtë linjë makeup-i.

Daniela Vathi

Dërgo me email | Stampo artikullin