18/07/2014 08:29:48

154 holandeze në bordin e avionit që u rrëzua në Ukrainë

SHBA thanë se do të vënë në dispozicion mjete për të zbuluar rrethanat, ndërsa BE ka kërkuar zbardhjen e ngjarjes

GRABOVË - Përfaqësues të BE-së thanë se janë të tronditur nga lajmi për rrëzimin e avionit të linjës malajziane në lindje të ukrainës. Shefja e diplomacisë Catherine Ashton u kërkoi të gjitha palëve të rajonit të kenë akses të plotë në vendngjarje dhe të bashkëpunojnë plotësisht në hetim."Shprehim ngushëllime për të gjithë ata, të afërmit e të cilëve ndodheshin në bordin e avionit", shtoi ajo.

Presidenti amerikan, Barack Obama e cilësoi një tragjedi të tmerrshme rrëzimin e avionit të linjës malajziane në rajonin e Donetskut, në lindje të Ukrainës. "SHBA ofron të gjithë mbështetjen e saj për të ndihmuar dhe për të zbardhur atë që ka ndodhur dhe pse", shtoi ai,

Në numër i madh holandezësh ndodheshin në bordin e avionit malajzian nisur nga Amsterdam - Schiphol që u rrëzua sot në lindje të Ukrainës me rreth 300 pasagjerë në bord, beri te ditur ministria holandeze e Drejtësisë.

"Ka pasur rreth 154 holandezë në bord", tha ministri i drejtësisë, Ivo Opstelten.

Copa të avionit si bishti me logon e kompanisë malajziane si dhe bagazhet ishin shpërndarë në një zonë të gjerë në fshatin Grabovë, pranë qytetit Chakhtarsk, në rajonin Donetsk. Ushtarët e forcave rebele dhe zjarrëfikësit kishin mbërritur në vendngjarje”, sipas të njëjtit burim.

HermesNews - ©2014

Dërgo me email | Stampo artikullin