17/07/2014 13:42:27

Nuk dha informacion, arrestohet kryeplaku

Policia gjen 97 rrënjë bimë kanabis sativa. Arrestohet kryeplaku

SHKODER - Dy të arresuar dhe një person u shpall në kërkim pas një kontrolli të bërë nga antidroga në fshatin Mnelë e Vogël. Zëdhënësi për shtyp i policisë Bardhyl Saliu tha sot se bëhet fjalë për 61 vjeçarin Zef Krepi, 67 vjeçarin Zef Vathaj, ndërsa është shpallur në kërkim 58 vjeçari Frrok Vathaj. Arrestimi i Zef Krepit, u bë pasi policia i gjeti 97 rrënjë bimë kanabis sativa, të cilat i kishte kultivuar në një parcelë të marrë me qera nga shtetasi Frrok Vathaj. Ndërsa arrestimi i shtetasit Zef Vathaj, u bë pasi duke qenë Kryeplak i Fshatit nuk ka dhënë informacion për kultivimin e lëndës narkotike. Po punohet për kapjen e shtetasit Frrok Vathaj.

HermesNews - ©2014

Dërgo me email | Stampo artikullin