16/07/2014 18:15:43

Brenda vitit ushtria me standard të NATOs

Kodheli informoi se struktura vë fokusin në një forcë të vogël numerikisht, por më mirë të pajisur e më mirë të trajnuar, sipas standardeve të NATO-s

TIRANE - Ministrja e Mbrojtjes, Mimi Kodheli deklaroi të mërkurën se Forcat e Armatosura do të pajisen brenda këtij viti me armë të standardit të NATO-s. Duke bërë analizën e punës së 300 ditëve të MM, Kodheli tha se Forcat e Armatosura do të pajisen me karabina M4 që do të përdorin municion të kalibrit 5.56 të standardeve të NATO-s.

Kodheli informoi se struktura vë fokusin në një forcë të vogël numerikisht, por më mirë të pajisur e më mirë të trajnuar, sipas standardeve të NATO-s.“Programi i Qeverisë kërkon sfida, krijimin e kapaciteteve ushtarake. Në qëndër të reformave është lartësimi i figurës së ushtarakut. Një nga dokumentet e parë strategjikë ishte struktura e re e Forcave të Armatosura në përgjigje të realiteteve që gjendemi. Nuk e kemi menduar se edhe për këtë do të hasnim nëj rezistencë të gjatë, por prej pak ditësh e kemi strukturën në dorë dhe kemi nisur programin për implementimin e saj. Ajo ka një përbërje më të vogël, por më të pajisur”, deklaroi Kodheli.

Ministrja e Mbrojtjes gjithashtu tha se ligji i ri për autoritetet dhe pushtetet në FA ka përcaktuar qartë, zinxhirin drejtuese dhe përgjegjsëinë kushtetuese të komandimit.

Zv/ministri i Mbrojtjes, Dritan Hila theksoi në fjalën e tij se një ndër prioritetet kryesore të 300 ditëve të qeverisjes në FA ka qënë lufta ndaj korrupsonit. “Puna jonë në këto 300 ditë u mbështet në katër shtylla kryesore , në krijimin e strukturës së luftës antikorrupsionit, transparencën e buxhetit në menaxhimin e aseteve të mbrojtjes veçanërisht pronave kontrollin e veprimtarisë së agjencisë së intelegjinecës dhe eksportit dhe importit të mallrave ushtarake, por edhe atyre me përdorim të dyfishtë”, tha Hila.

Sipas tij. për personelin e Forcave të Armatosura është verifkuar me transparencë procedura e emërimit dhe gradimit të personelit ushtarak si dhe rekrutimi dhe arsimimi profesional ne FA.

HermesNews - ©2014

Dërgo me email | Stampo artikullin