15/07/2014 10:52:21

Papa Françesku luftë kundër pedofilisë

Papa flet hapur kundër pedofilisë dhe mafias brenda kishës

VATIKAN- Papa Françesku është shprehur gjatë një interviste për të përditshmen italiane “Repubblica” se është i gatshëm të luftojë deri në fund pedofilinë, një aspekt që krijon hije të errëta mosbesimi në kishën katolike. “Do të përdor shkopin si Jezusi dikur”- shprehet ai.
Sipas studimit të fundit rreth 2% e pedofilëve janë pjesëtarë të kishës, ndër to edhe kardinalë dhe peshkopë. Shumë të tjerë, sipas papës, dine por nuk flasin ose ndëshkojnë por pa e bërë të ditur arsyen.

Gjithashtu ai theksoi se Vatikani do të vazhdojë të luftojë pa reshtur edhe mafian, mjaft e theksuar në Itali, atë jugoren veçanërisht. Gjërat po ndryshojnë dhe do vazhdojnë kështu derisa të çrrënjosen përfundimisht mafia dhe pedofilia brenda kishës, duke ndjekur kështu gjurmët e papa Wojtyla, i cili qe i pari që denoncoi publikisht egërsinë e mafias.

“Unë në vetë të parë po informohem mbi mafian të cilën dua ta njoh më thellë. E di fare mirë se çfarë bëjnë, por nuk arrij ende të kuptoj mënyrën sesi ata mendojnë dhe këtë do ta bëj duke lexuar librat dhe dëshmitë e shumta”- tregon papa Françesku

Së fundi, u prek edhe tema e ndalimit të martesave për priftërinjtë, i cili u vendos për të krishterët në shekullin e X, pra 900 vjet pas vdekjes së Krishtit. Papa mendon se edhe pse do të duhet kohë, ka me siguri një zgjidhje dhe do te gjindet.

Daniela Vathi

Dërgo me email | Stampo artikullin