14/07/2014 17:44:21

INTEGRIMI: Statusi i shqiptareve

Gjosha: një punë voluminoze është bërë për Planin Kombëtar të Integrimit Evropian 2014-2020, i cili gjithashtu tashmë është finalizuar

TIRANE - Në ambientet e Teatarit të Operës dhe Baletit, u mbajt sot raporti publik për 300 ditët e para të qeverisjes. Ministrja e Integrimit Europian, Klajda Gjosha, pjesë e panelit të parë të ministrave që raportuan, theksoi se statusi i vendit kandidat është mbi të gjitha arritje e gjithë shqiptarëve. "Për herë të parë, kemi një dokument qeveritar siç është Plani i Masave për 5 prioritetet i cili lë afate dhe detyra të qarta për të çdo institucion dhe kontributin e tij për procesin e integrimit”, theksoi Ministrja. Ajo shtoi se një punë voluminoze është bërë për Planin Kombëtar të Integrimit Evropian 2014-2020, i cili gjithashtu tashmë është finalizuar. Me anë të tij na ofrohet një tablo më e qartë e situatës në të cilin ndodhet vendi dhe e ndërhyrjeve të nevojshme në vijim. "Proçesi i integrimit nuk mund të realizohet pa gjithpërfshirje, ndaj kemi reflektuar gjuhën e dialogut, komunikimit me të rinjtë, grupet e interesit si mënyrën e vetme për të avancuar në këtë prioritet kombëtar. Statusi i vendit kandidat shënon momentin e kthesës tonë historike", tha Ministrja Gjosha.

HermesNews - ©2014

Dërgo me email | Stampo artikullin