14/07/2014 16:28:58

Korrupsioni, fjalë dite në ministri

Luftën ndaj korruspionit ta fillojmë nga gjyqësori, kemi treguar rezultate konkrete

TIRANE - "Gjatë 300 ditëve kemi kërkuar proçedim disiplinor për 20 gjyqtarë, ku pjesa më e madhe në masën e shkarkimit nga detyra, aq sa nuk është kërkuar për 8 vitet e fundit, që gjyqtarët t’i përdorin duart vetëm për çekiçin e drejtësisë dhe të mos guxojnë t’i fusin ato në xhepat e qytetarëve", tha sot Ministri i drejtesise Nasip Naço. "Miratuam paketën ligjore antikorruspion duke bërë ndryshimet përkatëse në kodin e procedurës penale duke klasifikuar korrupsionin si krim të rëndë, kur ai kryhet nga zyrtarë të lartë, gjyqtarë, prokurorë dhe përcaktuam në këto raste do të gjykohen nga Gjykata e Krimeve të Rënda. Ne realizuam dhe ndryshuam ligjin antimafia, me qëllim sekuestrim apo konfiskimin e pasurive që rrjedhin nga veprimtaritë kriminale. Luftën ndaj korruspionit ta fillojmë nga gjyqësori, kemi treguar rezultate konkrete, dy gyqtarë janë sot të arrestuar për veprat penale të korrupsionit, ndërsa tre të tjerë po hetohen për fshehje të pasurisë miliona euro", tha Naço në raportimin e 300 ditëve të para të qeverisjes.

HermesNews - ©2014

Dërgo me email | Stampo artikullin