14/07/2014 15:43:57

Policia në 300 ditë

Ministri Tahiri raporton për policinë, korrupsionin, krimin

TIRANË - "Kemi rritur forcën parandaluese dhe goditëse dhe kemi përfunduar kuadrin ligjor. Janë ulur me 16% krimet e rënda ndaj personit dhe 50 % vrasjet. Lufta ndaj korrupsionit është rritur 40% më shumë por mbi të gjitha kemi shembur murin e pandëshkueshmërisë. Kemi dhënë shembull ndaj luftës së korrupsionit në zyrtarët e lartë", tha Ministri i brëndshëm Saimir Tahiri gjatë raportit të 300 ditëve të para të qeverisjes. Policia bëri një operacion të sukseshëm antidrogë në Lazarat, ku vuri nën kontrolli një nga zonat më të rrezikshme të kultivimit të canabis. "Kemi sanksionuar kritere të forta për karrierën. Do të implementojmë strategjinë për të forcuar burimet njerëzore me 25% rritje pagash, sigurim shëndetësor dhe program trajnimesh. Në 300 ditë e nxorëm Shqipërinë nga lista e zezë e DASH për trafikimin e qenieve njerëzore", tha Tahiri.

HermesNews - ©2014

Dërgo me email | Stampo artikullin