14/07/2014 08:44:13

BM: abuzime të rënda me fëmijët

Sferat më të larta të politikës u përfshinë në skandale që më pas u mbuluan. Nën hetim 500 raste

LONDËR - Fakte për implikime të rënda të figurave më të larta britanike, kanë tronditur opinionon publik në Britani. Bëhet fjalë për abuzime me minorenë, ku në shumë raste dhe të rënda. Ish menaxheri i shërbimit të mbrojtjes së të miturve, Peter McKelvie tha se një hetim policor kishte filluar në vitin 2012-të, pas dëshmive të dhëna nga viktimat. Në shumë raste krimet janë mbuluar. Të njëjtën gjë ka deklaruar për gazetën britanike ”Sunday Times” edhe Simon Bailey, shef i policisë së Norfolkut, i cili drejton koordinimin në nivel kombëtar të hetimeve. ”Janë 13 njësi policore që po hetojnë të 21 rastet”, deklaroi Bailey. ”Akuzat janë kundër funksionarëve të zgjedhur dhe personave të njohur publikë”, theksoi ai. Këto hetime futen në serinë e skandaleve të pedofilisë që kanë shkaktuar njerëz të famshëm në Britaninë e Madhe, veçanërisht gjatë dekadave të kaluara. Mendohet se ka të paktën 500 viktima të dyshuara, shumë prej të cilëve konfirmojnë se janë abuzuar nga politikanë të moshuar.

HermesNews - ©2014

Dërgo me email | Stampo artikullin