12/07/2014 11:49:07

Akuza të rënda ndaj socialistëve

PD publikon një dosje ku sipas saj vërtetohen akuzat për vepra penale të deputetëve socialistëve.

TIRANE - Demokratët kanë publikuar sot një dosje me vendimet e gjykatës italiane dhe shiqptare ndaj deputetit socialist Arben Ndoka. Sipas tyre, Ndoka ka qenë i dënuar më parë për favorizim prostitucioni, por ka kërkuar që të vuajë dënimin me 7 vjet e 27 ditë heqje lirie në Shqipëri.

"Kemi këtu dosjen e plotë të deputetit Arben Ndoka, i dënuar nga Gjykata e Romës me 7 vjet e 27 ditë burg nën akuzën e shfrytëzimit të prostitucionit në rrethana të rënduara, dhe heqje të paligjshme të lirisë ndaj personave të tjerë. Gjykatat shqiptare, ajo e faktit në Lezhë, dhe e Apelit në Shkodër kanë bërë njohjen e vendimit të Gjykatës së Romës dhe e kanë ulur masën e dënimit në 4 vjet burgim. Arben Ndoka, është transferuar nga Italia për ta vuajtur dënimin në Shqipëri. Arben Ndoka më pas ka përfituar nga sistemi ynë i drejtësisë lirim para kohe me kusht, dhe në vitin 2005, është liruar", tha deputeti demokrat Arben Ristani.

Akuzat u publikuan nga demokratët në kohën kur disa ditë më parë tre deputetë u përfshinë në një sherr fizik në ambientet e parlamentit.

HermesNews - ©2014

Dërgo me email | Stampo artikullin