11/07/2014 20:19:51

U gabua Interpoli shqiptar me të ?

Altin Hasani akuzohet për vrasje të kryer në vitin 1990. Avokati i tij pretendon se Hasani nuk është personi që kërkohet

SHBA - Një 41 vjeçar nga Shqipëria, Altin Hasani kundërshton estradimin në Shqipëri me pretekstin se autoritetet shqiptare kanë gabuar në identifikimin e tij. Shqiptari që jeton në Culumbus ka thënë para gjykatësve se nuk ishte i njëjti person me atë që kishin parë autoritetet shqiptare.

Në një gjykatë federale avokati i tij e quajti proçesin e turpshëm. Nga ana tjetër prokurorja Dana Peter, pohon se autoritetet shqiptare janë të sigurta për identitetin e tij.

Mediat amerikane thonë se gjithcka kishte me akuzat për 22 vite burg për vrasje, që Gjykata Shqiptare kishte dhënë ndaj shqiptarit dhe kjo ishte zbuluar pas kërkesës së tij për marrje nënshtetësie ameriakane në vitin 2011. Ai mendohet se ka therur me thikë shtetasin shqiptar Niko Bleta.

Hasani mund të ketë kryer vrasje në vitin 1990. Aktualisht ai ka kartën e gjelbër amerikane pasi erdhi në Amerikë në vitin 2001.

Megjithatë ende nuk dihet nëse ai është personi i kërkuar për vrasje pasi nuk ka provë adn-je dhe gjurma gishtërinjsh. Gjykata pritet të vendosë.

HermesNews - ©2014

Dërgo me email | Stampo artikullin