10/07/2014 14:39:18

Sekuestrohet pasuria e Ndrangheta-s

Konfiskohen 24 apartamente, dy sipërfaqe tokash, dyqane veshjesh dhe katër kompani sigurimi

REGGIO CALABRIA - Policia italiane ka konfiskuar pasuri me vlerë pesë milionë euro, që i përkisnin klanit mafioz Ndrangheta, në jug të Kalabrisë, njoftoi sot policia. Ata konfiskuan 24 apartamente, dy sipërfaqe tokash, dyqane veshjesh dhe katër kompani sigurimi që u përkisnin vëllezërve Vincenzo, Giovanni dhe Francesko Longo repektivisht 51, 48, dhe 46 vjeç si dhe Roccos, djali i Vincenzos, 25 vjeç. Të dyshuarit drejtonin një organizatë kriminale që morën sektorin e ndërtimit publik dhe privat në qytetin Polistena dhe zonat përreth duke akumuluar pasuri përtej të ardhurave të tyre të deklaruara. ”Ata gjithashtu kanë riinvestuar fitimet nën emrat e të afërmve të tyre”, bëjnë të ditur hetuesit. “Ndragheta” mendohet se është mafia më e fuqishme në Itali për shkak të tregtisë së kokainës në Europë.

HermesNews - ©2014

Dërgo me email | Stampo artikullin