10/07/2014 13:24:41

Debate mbi SHKBnë: votim nenin 73

Braho; ligji të votohet, por pa nenin 73, i cili cënon punonjësin e policisë, pasi nuk është e respektueshme për karrierën

TIRANË - Kuvendi i Shqipërisë duke iu referuar rendit të ditës ka nisur diskutimet lidhur me projektligjin e propozuar nga Ministria e Brendshme, për shërbimin e ankesave dhe Çështjet e Brendshme në Ministrinë e Punëve të Brendshme.

Kryetari i Komisionit të Sigurisë, deputeti i Lëvizjes Socialiste për Integrim, Spartak Braho, është shprehur se ky ligj është konform standardeve më të mira europiane dhe vuri në dukje faktin se neni 73, cili flet për lënien me vullnet të gradave, nuk është i përshtatshëm. “Ky ligj i jep një fytyrë të re Shërbimit të Kontrollit të Brendshëm, duke e kthyer atë një shërbim për qytetarin e jo më siç është përdorur në të kaluarën për interesa politike”, tha Braho.

Së fundmi, Braho duke i bërë thirrje kolegëve për ta miratuar pr/ligjin në fjalë theksoi se Neni 73, i cili flet për lënien me vullnet të gradave nuk duhet të jetë pjesë e këtij ligji. “Ligjit të votohet, por pa nenin 73, i cili cënon punonjësin e policisë, pasi nuk është e respektueshme për karrierën dhe kontributin që ai ka dhënë”, përfundoi Braho.

Luan Rama, deputet i Levizjes Socialiste për Integrim, në fjalën e tij në emër të grupit ndau të njëjtin mendim me Kryetarin e Komisioni të Sigurisë. Sipas Ramës, paketa e paraqitur nga Ministria e Brendshme ka sjellë përmirësime të ndjeshme në ligj. “Ligji i jep një dimension tjetër objektit të punës që ka shërbimi, duke detajuar në mënyrë të qartë e të drejtë të gjithë autoritetin e institucionit”, tha Rama.

Sipas tij, ligji bënë një ndarje të drejtë të atributeve adiministrative dhe operative, duke përcaktuar në mënyrë rigoroze rolin dhe kompetencat që vepron në këtë strukturë. “Në emër të grupit parlamentar të gurpit LSI-së jemi dakord për këtë pr/ligj, ndërsa ashtu si parafolësi u ndal tek neni 73, ku në bazë të tij parashikohet e drejta e çdo punonjësi të policisë për të lënë vullnetarisht gradën për gjetjen e hapësire në një vend tjetër pune.

Ndreu për këtë kujtoi 21 janarin e 2011-ës. Ajo ditë ishte dita kur përdorimi i turpshëm i këtij Shërbimi nxiu faqen e vendit tonë.

HermesNews - ©2014

Dërgo me email | Stampo artikullin