09/07/2014 12:06:21

Parlamenti do të vendosë për rregullat e reja të lojës

Dhuratat me mijëra Euro gjyqtarëve, do t'i kushtojnë integrimin vendit dhe minojnë demokracinë në Shqipëri

TIRANE - 50 mijë euro, nuk mund t'ia dhurosh askujt, pa qëllim për korrupsion. Por meqë vetëm inspektorit të KLDsë i janë falur 250 mijë dollarë, lexuesit mund vetëm ta imagjinojnë se 50 mijë euro, për një gjykatës nuk mund të jenë vetëm dhuratë.

Nënkryetari i KLD-së, Elvis Cefa, "ishte shokuar" nga deklaratat e Ministrit të Drejtësisë Nasip Naço bërë një ditë më parë ndaj Këshillit të Lartë të Drejtësisë. "Reforma shkatërron insitucionet e pavarura", justifikon milionat e gjyatarëve Cefa.

"Akuzat e Naços janë të pabaza. Nuk mund të pranohet një ndërhyrje të parlamentit. Do vazhdojmë të veprojmë me shumë përgjegjësi dhe konform ligjit. Në këto dy vite punë së bashku me Presidentin Nishani kemi punuar për të rritur transparencën dhe për ti ofruar publikut shërbimet më të mira. Këto shqetësime do ua bëjmë me dije faktorëve ndërkombëtarë", tha Cefa.

Ndërsa në Shqipëri luftohet për të bërë transparencë dhe të merren masa për pasuritë marramendëse të gjytarëve, zv, ambasadori i francës në Tiranë Didier Guber siguron mbështetjen e palës franceze në rritjen e etikës së gjyqsorit, një çelës i rëndësishëm në reformat e drejtësisë që ka kërkuar Bashkimi Europian.

Shqiptarët e dinë se kjo e sotmja është një luftë e lidhur më shumë me korrupsionin se me etikën e gjyqsorit, por është e kuptueshme se nga ndërkombëtarët konsiderohet çështje e brëndshme e vendeve dhe nuk komentojnë.

Ministria e Drejtësisë ngulmon në të sajën. "Monitorimi i sistemit gjyqësor është thelbësor në ruajtjen balancave të ndarjes së pushteteve", tha sot Naço. Ky monitorin përveç skandaleve ka krijuar një mur të fortë ndërmjet pushteteve dhe kjo cënon rëndë demokracinë e shqiptarëve dhe pengon integrimin në BE.

Doriana Metollari

Dërgo me email | Stampo artikullin