08/07/2014 08:21:22

KLD: nuk ka shkelje për gjyqtarët

Rrëzohen kërkesat për proçedim ndaj gjyqtarëve. KLD nuk jep asnjë arsye pse nuk proçedon gjyqtarët e akuzuar per fshehje pasurie dhe dhe deklarim të rremë të transaksioneve

TIRANË - KLD ka rrëzuar kërkesën e ministrit të drejtësisë Nasip Naço, për shkarkimin e gjyqtarit Gjin Gjoni. KLD do të shqyrtonte tetë propozime të ministrit për proçedim ndaj gjyqtareve, mes të cilëve dhe Gjoni. Mbi këtë të fundit përveç fshehjes së pasurisë, rëndon dhe një akuzë e rëndë si ajo për "shpërdorim detyre". KLD ka rrëzuar proçedimin e Ministrisë së Drejtësisë për gjyqtarin Markelin Kuqja, të Gjykatës Korçë, për gjyqtarët Shtjefën Lleshi të Gjykatës Pukë, Ilir Pashai i Gjykatës Elbasan dhe Bujar Musta i Gjykatës Elbasan. Shqyrtimi disiplinor është shtyrë për në një seancë tjetër. Ndërsa për gjyqtarin Andi Ymeri të Gjykatës Korçë, KLD pas shqyrtimin të proçedimit disiplinor ka marrë masën vërejtje me paralajmërim. Këshilli i Lartë i Drejtësisë ka rrëzuar kërkesat e Ministrit të drejtësisë dhe për dy gjyqatarët e tjerë, Ken Dhima dhe Klorinda Çela, të cilët akuzohen për fshehje të pasurisë dhe deklarim të rremë të transaksioneve. Dy gjyqtarët u kallëzuan penalisht nga ILDKPKI.

HermesNews - ©2014

Dërgo me email | Stampo artikullin