07/07/2014 14:39:15

Debat për iniciativat e reja të arsimit

''Moment emancipues që shënon risi dhe me siguri që do të ndiqet më pas edhe në plane të tjera, duke e kthyer hartimin e kësaj reforme në një realitet demokratik për çdo qeveri''

TIRANË - Reforma e gjeneratës së re është dhe ajo e arsimit. Ka në thelb të saj konkurencën e ndershme, barazinë dhe tekste shkollore të reja. Idetë e reja dolën në një debat publik ku Kryeministri Edi Rama prezantoi punën e një grupi profesionistësh që kanë marrë përsipër inisiativat e reja.

"Jam veçanërisht i kënaqur që nga anëtarët e komisionit ka njerëz që kanë votuar kundër nesh. Në këtë komision pjesëtarët i ka bashkuar interesi i përbashkët, interesi i të ardhmes arsimore në shqipëri. I ka bashkuar rruga akadameke dhe përkushtimi që nuk është cilësi e një vale, por cilësi e të gjithë atyre njerëzve që pavarsisht përkatësive politike që mund të kenë, kur vjen puna tek zgjedhja e tyre profesionale janë të gatshëm të kontribuojnë pa u rezervuar", tha Rama.

Një sistem arsimor bazë me një efektivitet të ulët e quajti kryeministri Rama, maturën shtetërore nuk e merrnin vetëm 5% e nxënësve, çfarë premtimi i socialistëve dhe demokratëve, në këtë pikë, është se do të ndryshojë në të ardhmen, nën moton maturën nuk ta japim, duhet ta marrësh me zotësinë tënde.

Kryeministri foli dhe për akreditimin e universiteteve për të krijuar një tablo të qartë të asaj çfarë ofron panorama e universtieteve në Shqipëri.

HermesNews - ©2014

Dërgo me email | Stampo artikullin