05/07/2014 17:13:13

Denoncim publik i të sapoemëruarit nga socialistët

PD: ''Edi Rama i ka besuar të kallëzuarit në Prokurori për uzurim prone verifikimin e ligjshmërisë dhe mënyrës së tjetërsimit të pronave të paluajtshme''

TIRANË - Drejtori i task - forcës për pronat në Vlorë është një ish i dënuar për pushtim toke, pohojnë demoratët. Lajmi u dha nga zëdhënësja Laura Vorpsi. "Çfarë ndodh me një zyrtar që denoncohet publikisht dhe kallëzohet në prokurori nga një qytetar për uzurpim prone, për marrjen e tokës që nuk është e tij, me forcën që i jep pushteti. Me Edi Ramën, ky zyrtar promovohet, ngrihet në detyrë dfhe bën karrierë. Kështu ka ndodhur me Alket Hysenin, i cili është kallëzuar në prokurorinë e Kavajës për marrjen me forcë të një parcele në një fshat turistik".

"kur Partia Demokratike denoncoi publikisht rastin mbi bazën e ankesës së bërë nga qytetari, nga zotëruesi i pronës, qeveria reagoi fillimisht duke thënë se Alket Hyseni nuk ishte nëpunës i saj. Por tani del në dritë, një urdhër i Kryeministrit Rama, që jo vetëm vërteton se i kallëzuari për uzurpim prone është punonjës i qeverisë, po mban detyra shumë të rëndësishme", tha Vorpsi.

Edi Rama i ka besuar të kallëzuarit në Prokurori për uzurim prone verifikimin e ligjshmërisë dhe mënyrës së tjetërsimit të pronave të paluajtshme shtetërore në Qarkun e Vlorës, në rivierën e Jonit. Kjo pra është meritokracia e Rama, u shpreh Vorpsi.

HermesNews - ©2014

Dërgo me email | Stampo artikullin